شموع الحب
شموع الحب أنوارها عبير سايل
ولحن طروب على العشاق بيتمايل
وبدر جميل نشوفه فى السما جايل
شموع الحب
***
يسيل الشمع من ناره
ويهدى الحب أنواره
يبوح قلبى أمام الناس ويكشف كل أسراره
شموع الحب
***
شموع الحب رمز جميل بيطربنا
ونظم الشعر قصة حب تكتبنا
ومين لما يذوق الحب قال تبنا
وانا من شوقى طول الليل اقول دبنا
شموع الحب
***
شموع الحب عيد للشوق يجمعنا
وبين الزهر والياسمين بيجمعنا
يخلى كلامنا بين الناس ليه معنى
يا رب تهنى كل حبيب بيسمعنا
شموع الحب
***
شموع الحب بالأشواق بتوعدنا
وعن حسدنا والعزال بتبعدنا
وتهدينا كلام فى الحب يسعدنا
ويسعد كل احبابنا فى يوم عيدنا
شموع الحب
***
ربيع المهدى
ليست هناك تعليقات:
إرسال تعليق